مش عارفة ايه اللى حصلى انهاردة.........خير اللهم اجعله خير كنت نايمة بعد صلاة الفجر وكنت نايمة كويسة يعنى لا تعبانة ولا زعلانة ولا حد انا مضايقة منه ولا حاجة خالص الا انى طبعا لازم اصحى بدرى عشان عندى مشاوير مهمة انهاردة
المهم بقى يااوخواتى واخوانى الكرام انا حلمت حلم مفزع جداااااااااااا.......عارفين بقى لما تحسو كده ان انتو بتحلمو انكم بتعيطو فى الحلم وتصحو تكملو عياط.........يااااااااااااااااااه بجد كنت مرعوبة..........بس تفتكرو الاحلام المفزعة دى اصلا بتيجى من الشيطان ؟؟ ولا بتيجى من العقل الباطن؟؟؟؟......الا صحيح هما ليه سموه العقل الباطن؟؟؟؟.......يالله يسموه زى ما يسموه....وانا مالى بقى......المهم طبعا صحيت وانا فى حالة لا يرثى لها وبعد اما هديت شوية قدت افكر كده......هو انا ليه حلمت الحلم ده بالذات؟؟ طيب وليه جوه الحلم معرفتش انه حلم؟؟....بلاش .......طيب ليه انا مفكرتش حتى انه انا بيتهيألى؟؟؟؟؟ مش مشكلة دلوقتى ده كله.......المشكلة بقى انى دلوقتى اصلا مش عارفة انا بفكر فى الحلم ده كتير ليه؟؟؟؟......طيب طيب خلاص انا شايفاك ياللى بتقرا انت وبتقولى انتى مكبرة الموضوع كده ليه؟؟.....طيب خلاص مشفيه اى مشاكل......نيجى بقى نتكلمم فى المفيد ده من وجهة نظرى يعنى......امبارح لما كنت فى المترووو بقيت بعمل حصر لمجموعة البنات اللى واقفة مع الشباب وخدو بالكو خصوصا بنات الثانوى بنات المدارس دول.......لاءن بنات المدارس دول المعروف عنهم انهم يعنى مش فى فى جامعة عشان يقدرو يتعاملو مع كل الشباب دول........بجد اللى بيزعلنى اوى بقى انهم كمان لابسين حجاب.... وانا نفسى حاسة انهم حاسين انهم بيسروقووو......وبصراحة منظر الولاد اللى بيقفو معاهم منظر لا يطاق بالمرة لائنهم برضه ولاد صغيرين زيهم........انا عارفة انكم هتقولولى دول مراهقين......ماشى ياعم مراهقين مراهقين مقولناش حاجة.....بس انا دلوقتى بفكر فى اسباب المشكلة دى...... لاءن كون البنت او الولد بيخرجو يقابلو بعض بره ده معناه انهم عندهم نقص فى الحب والحنان يعنى مفتقدينه داخل الاسرة نفسها.........ايوة اديكو فهمتونى انا اقصد الأسر اللى مش فيه عندها اى خلفيات عن معاملة البنات والولاد فى المرحلة دى اللى هيا سن المراهقة....وده طبعا لاءن الام والاب بعاد كل البعد عن نفساويات عيالهم......ببساطة كده حصل قدامى امبارح موقف ضايقنى اوى مش عارفة حسيت انى كان نفسى اتكلم بس طبعا بمجرد ما فتحت بوقى كنت خلاص تقريبا هتطرد بس بالزوق طبعا
احكيلكم الموقف ده بقى............كنت فى مكان ما وكان مكان يعنى بتاع دروس خصوصية او بمعنى اصح (مؤسسة تعليمية).....والمسؤلة عنه ست كده شيك ومحترمة قولت ماشاء الله فيه ناس عندهم فكر متميز اهو ومستوى علمى لا بأس بيه.....المهم طبعا المدام كانت بتخلى بنتها برضه تاخد درس خصوصى فى نفس المؤسسة دى ......البنت حوالى 9 سنين....وواحنا واقفين لقينا البنوتة دى جت ونسيت الكتاب الخارجى بتاع الرياضة.........المدام الشيك دى بقى اتقلبت لوحش كاسر......مسكت البنت وضربتها ضرب مبرح ويعنى البنت اتضربت وفيييييييييييين يوجعك..........طبعا احنا تدخلنا وقلنلها بالراحة مش كده وفهميها بهدوء عشان تحبك وتبقى قريبة منك ومش عشان نسيت حاجة عشان مستعجلة تقومى تضربيها بالشدة دى...........تخيلو معايا كده ردت قالت ايه؟؟؟؟.......قالتلنا بمنتهى السعادة والبسمة تملاء شفتيهاااااا.......لاء لاء لاء انا بنتى بتترعب منى وبتخاف موووت......انا بنتى دى انا كاسرة رقبتها كويس....
شوفتومعى يا سادة ايه نوع الوعى فى البيوت .....الوعى فى البيوت بيتلخص فى القسوة والشدة والضرب وعدم الرحمة للصغار....وبكده طبعا الصغيرين بيكبرو كل يوم وبيلاقو ان مش فيه حب ولا حنان جوه البيت ......يبقى الطبيعى جدااا انهم هيستمرو فى رحلة البحث عنه خارج البيت ودى لوحدها كلها اضرار ر خطيرة بتحصل فى شخصبة البنات والاولاد........بقلوكو ايه انا حاسة انى طولت عليكم.....عمومااااا انا مش باحثة اجتماعية بس انا حسيت بأن دى مشكلة ومشكلة مسؤلية البيت اولا واخيراااا.........بقولوكو ايه
خدو بالكو من عيااااااااااااالكووووووو
ليست هناك تعليقات:
إرسال تعليق